La Usc di Ladins

En domenia ai 22 de jené su la neif de Bufaure l FassActive se à tout su l endrez de la garejèdes de slalom de la circoscrizion B de Allievi e Ragazzi 4° Memorial Luca Prinoth, con una proa per i Arlieves e doi proes per i Ragazzi. A la fin a se vadagnèr la venta per sozietà l é stat l Ski Team Fascia, ma l maor ejit personèl é jit anter i Ragazzi a Alessandro Valt de la Monti Pallidi e per eles a Mayra Zanvettor del FassActive, venjidores te duta doi la proes. La trei sozietèdes de Fascia se à spartì i podies de la categoria Ragazzi, con medaes de arjent per Alexander Weiss e Giovanni Demaria del Ski Team Fascia e de bron per Luca Bonelli del FassActive e anter eles arjent e bron per Alessia Chisté e Meryem Volcan de la Monti Pallidi e amò n bron per Marie Valentini (STF).

Su La Usc stampèda de vender ai 27 de jené la clasifiches e maor informazions ence su la garejèdes de Allievi e Ragazzi a Folgaria.  (Lucia Gross)