En jebia ai 31 de aost se à serà su al Gianmario Scola de Dèlba l 6° Tornoi Ladin. Su la giacia, i Falcons à jia contra l Gherdëina te l’ultima partida aldò del calandèr: l resultat final ampò no à mudà la classifica finala del tornoi.
Belimpont jà en mèrtesc da sera l é stat decretà l venjidor de chesta sesta edizion, do la venta del Cortina contra i fascegn per 7 a 3. Enlouta, i ampezegn, con 6 ponts desche la squadra aversaria, se n à vadagnà etres 3 che, per via de la desferenza de +1 en sie favor sul numer de goi fac e ciapé te la scontrèdes diretes, i se à confermà prumes en classifica bonorives de na partida. L Cortina à vent coscita per la terza outa l Trofeo Ladin, do che l mencèa te cèsa ampezèna da cater egn.
De più su La Usc stampèda de vender ai 8 de setember. (Nicoletta Riz)
L 6° Tornoi ladin de Hockey va vin Ampez
Ai 31 de aost l’ultima partida del calandèr é stata venta dal Gherdëina per 4 a 2 contra l Fascia. L Cortina se porta a cèsa l Trofeo ladin. A la premiazion ence raprejentanc del mond ladin.
Galaria retrac
View the embedded image gallery online at:
https://www.lausc.it/sport/24815-l-6-tornoi-ladin-de-hockey-va-vin-ampez#sigProId2970c8bcfc
https://www.lausc.it/sport/24815-l-6-tornoi-ladin-de-hockey-va-vin-ampez#sigProId2970c8bcfc
