La Usc di Ladins

N sada y dumënia passeda iel stat i Campiunac Regiunei de atletica lesiera a Persenon. Tla categuries desfrëntes se à nce batù l'atletes dl'Atletica Gherdëina, cun nce vel' resultat da auzé ora. L ie sambën da scumencé dala vënta dl titul regiunel assolut tl tré la lanza (da 600 gram, ndr.) de Chiara Goffi, che à trat 42,62 metri. Al segondo post iel tlo da udëi la sor, Alessia, che à trat la lanza a na destanza de 37,8 metri. Ma la doi surans ne se à nia cuntentà de chisc resultac: Chiara à nce arjont l segondo plazamënt assolut tl tré l pëis (da cater chilo, ndr.), cun n record persunel da 10,41 metri, y Alessia se à tlassifica terza ti cënt metri, cun n tëmp de 13,3 secunc. Ti cënt metri iel nce mo da nunzië l 12ejim post de Ilaria Karbon tla categuria dla alives, cun n tëmp de 13,31 secunc.

BM