La Usc di Ladins

Zacan rua i trei ponc per l Fascia Balon, che à derenà l Mattarello. 

Taca benon i joegn fascegn, che do 3 menuc i passa en vantac ajache Patrizio Deville de Bronza vegn petà ju te area de rigor: per l diretor de la endesfida l é rigor e Samuele Ruggiero no fala. 

Passa 10 menuc e Deflorian e compagnes met l balon endò te sach do na bela trata dal or del ciamp de Alessandro Rasom de Onz, la bala rua a Massimo Lorenz de Meca che da doi pasc no l fala. 

Podede lejer dut, con la classifica e i resultac de la squadres di joegn, su La Usc stampèda de vender ai 22 de setember.  (Pierpaolo Rasom)