La Usc di Ladins

Chesta passèda l é stat l’ultima setemèna de la seconda fasa de Alps Hockey League, fasa che se serarà doman ai 24 de firé. Con doman sarà donca definitives duc i verdec, tant chi del master round che dezidarà l orden de cernia ti playoff, tant chi di doi qualification round che dezidarà la doi endesfides di pre-playoff.

Endèna che scrivon, l Renon l é la squadra che se à metù su la mior strèda per venjer l master round e poder cerner per pruma sia aversaria ti playoff. L Gherdena enveze somea che l posse venjer l giron A, con l Kitzbühel prum te la classifica del giron B.
Analisèr la situazion de noscia trei squadres ladines ne dèsc l met de dèr na veièda complessiva ai trei tornoes che se é do a jièr, e che descheche aon dit i se serarà su en sabeda ai 24 de firé. Endèna che jon en stampa se jiarà tropa partides, ma vèlch su la situazion atuèla se pel dir. Dant de dut che l percors del Cortina l é stat dassen bon.

Podede lejer dut su La Usc stampèda de en vender ai 23 de firé.  (Daniele Verra)