La Usc di Ladins

Do no aer podù jiar en domenia ai 22 de marz contra l'Alta Anaunia per la neveta, i fascegn à proà a la jiar fora en mercol 26, ma la partida la é jita inant demò 25 menuc, ajache l é ruà n'autra neveta e l'à cognù vegnir fermada sul resultat de 1 a 0 per l Fascia ruà de gra al gol de Massimo Lorenz de Meca.

La classifica ofiziala segna donca te chest moment i trei ponc provisories per i fascegn, ma se cognarà recuperar i autres 65 menuc peran via dal vantaje fascian più inant, te na data no amò fata fora.

En domenia passada i bec de mister Capovilla a jià contra l TNT Monte Peller, squadra noneja da Tuenno. Na bela venta per i bec de president Trottner, che i à desmostrà amò na outa la forza del grop.

Ades na setemana de paussa ajache da Pasca no se jia e i sarà endodanef sul ciamp en mercol ai 8 de oril, fora Ciavaleis tel derby contra l Fiem.


Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Pierpaolo Rasom)