La Usc di Ladins

Zenza i Śoghe olimpiche e paralim­piche d’inverno 2026, in Anpezo no sarae pi ‘l ospedal. Se pó ese deboto segure che el vecio Codivilla i ‘l arae beleche sarà. E inveze ades i é drio a lourà dasen, da ‘l fei fora duto noo, che el see pronto ignante de chera gran manifestazion de sport, che coscita r’à portà almanco un vantaśo.
Deboto duta ra setemanes Giuseppe Dal Ben, comisario de ra Ulss 1 Dolomiti de Belun, el vó saé cemodo che prozede i laore par fei fora duto noo ‘l ospedal Codivilla in Anpezo: tropa otes el vien inze l cantier, par vede co i so oce ce che suzede, cemodo che el và inaante. L é stà in Anpezo anche ra setemana pasades e el s’à ciatà con el capo­comun Gianluca Lorenzi Chenopo, con el loudaduó Stefano Ghezze Ghezo, con Ettore Sansavini presi­dente de Gvm, ra sozietà che s’à cordà co ra Rejon Veneto, par fei chesto laoro.

De plu tla edizion stampeda de La Usc di Ladins o sun l e-paper a paiament www.lausc.it/e-paper