Gianluigi Donei per la Monti

Data

01 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dò 24 a cef de la sozietà sportiva de Moena l ge à lascià l’encèria a Carlo Ganz
Per 30 egn Gianluigi Donei l’à metù temp, empegn e gaissa te la Polisportiva de paìsc. L’é stat egn che ge à lascià n muie de sodesfazions soraldut tel veder i bec e joegn crescer e madurèr tel sport. Ades l ge lascia post a jent con idees neves, ma l recort restarà semper vif.

Can siede jit ite te la sozietà?
Gianluigi Donei: Son jit int del ’91, enlaoita giö aeve mio fiöl che l’aeva 6 egn e l scomenzava a jir coi schi, ajache son semper stat un che no se tira endò, canche i me à domanà no è dit de no. E coscita è scomenzà mia atività inant col dar na man tel setor del schi per 5 egn e dapò del ’96 de firè i me à proponet de deventar president e ence aló no son stat bon de dir de no e de oita en oita i me dijeva de tegnir dur e son ruà fin ancöndì. Cogne dir che è abù n gran aiut da tenc conseieres ence percheche la Monti Pallidi l’é na polisportiva, l’é stat egn che aveane ence 6/7 atività da ge star dò, fajeane ence saut coi schi, nuoto, adertura orienteering, tante atitvità che col jir di egn le é jite fora. Ancöndì aon 5 setores da ge star dò: schi, paslonch, brea, balon e atletica.

L'intervista entrìa su La Usc 43 di 30 de otober  (Monica Cigolla)