Mobilità e teritorie, n pènt per l davegnir

Data

06 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Neva UAL endreza na scontrèda en streaming con Mauro Gilmozzi en mercol ai 7 de oril da les 20.30.

La mobilità l’é un di problemes maores che sofoea noscia val. L’é n problem che met i sentadins e i politics che li raprejenta tedant a na endesfida da sostegnir con ferstont, tolan en conscidrazion la prospetives projetuèles più concretes e al medemo temp che les vèrde al moviment sostegnibol.

Per envièr via n debatit publich zenza condizionamenc ideologics, la Neva UAL à endrezà l prum de na lingia de momenc informatives che revèrda belapontin chisc argomenc. No l’é rejons per dir che na alternativa sie miora che chel’autra, ma l’é zenz’auter l besegn de no se fermèr a na vijion tel temp curt che risiassa de lascèr fora ogne projet sostegnibol e en armonia col teritorie. L’empegn costant tel temp da man de l’aministrazions per chel che vèrda la mobilità l’é fondamental per garantir la realisazion de duta na lingia de projec, che se i vegn valuté tel detai i pel no demò smendrèr l problem de la mobilità, ma arsegurèr n miorament dezisif su la calità de la vita de chi che stèsc e vijita l teritorie.

L prum apuntament é doman, mercol ai 7 de oril da les 20.30. L ghest de la scontrèda online l’é Mauro Gilmozzi, stat assessor a l’urbanistica, enc locai, personal, lurieres publics e viabilità de la Provinzia de Trent che endèna sie mandat à fat aproèr la lege provinzièla 6/2017 su la pianificazion e gestion di intervenc en materia de mobilità sostegnibola.

La scontrèda é en streaming su la piata Facebook e sul canal YouTube de la Neva UAL.    

 (mci)