La Usc di Ladins

La é de chisc dis la neva de la nomina de don Mario Bravin desche vize-ispetor di Studafech de Fascia: la setemènes che vegn jiron ite più a fon sun chest.

Encèries renovèdes ence tel Grop di Studafech de Cianacei: l nef Comandant l’é Giuseppe Costantino da Dèlba, dant vizecomandant. Apede el l’é stat lità l vize Alessandro Dantone da Cianacei e capoploton l’é Loris Riz. I doi capisquadra l’é Luca Testor e Andrea Costa; Stefano Riz é stat confermà magasinier e Cristoforo Debertol desche secretèr. Tommaso Del Favero é stat enciarià desche cassier e Daigoro Dellantonio desche responsabol di arlieves.

L’an passà l’era ruà tel grop 4 neves componenc: Matteo Volpe, Leonardo Marchetti, Luca Rasom e Petra Basteri, chest’ultima soula femena de dut l grop. De mé de chest an etres 4 volontadives à passà i ejames doventan Studafech efetives: Luca Piazzi, Alberto Basteri, Martin Havelka e Gabriel Vian.  (NR)