La Usc di Ladins

La racomanazion l’é semper la medema: ferstont canche se va sa mont percheche ogne più picol azident pel doventèr n intervent che domana ores e ores per la machina di socorsc.

La sajon da d’istà à portà te val n grum de ghesć che brama se n jir sa mont, tiré da noscia bela crepes che ne fèsc da cornisc. Ma se a ge vardèr da sot en su somea dut sorì, canche se é sul post pel sozeder de se troèr en dificoltà, per desvaliva rejons: percheche no se à la peamenta adatèda, doventa dut scur da n moment a l’auter e vegn jù n temporèl, se fèsc massa fadìa e se stèsc mèl o se ciapa stornijies. La caujes pel esser n grum. Te chisc ultimes dis l Socors sa mont é stat alertà de spes, per jir a recuperèr jent che se à troà en dificoltà, semper de più e ence per robes da nia.

L capostazion del Socors sa mont del Zenter Fascia Luigi Zulian de Cuz à volù uzèr fora n apel percheche chi che à l met de rejonèr coi ghesć li deide a se enjignèr delvers inant che jir sa mont e ge fae entener che ge vel prudenza.

De più su La Usc stampèda de vender ai 23 de messèl.  (Monica Cigolla)