La Usc di Ladins

L é n moment emportant per suor Cristina da Sèn Jan e per la comunanza de Fascia. Ai 8 de dezember, tel dì che don Bosco del 1841 l aea fondà l oratorie, ensema con autre 4 monie l à fat sia profescion perpetua desche monia de le Fie de Maria Ausiliatrice.

Con le monie salesiane, che é state a Sèn Jan te la scolina enscin acà beleche 10 egn, Cristina Lorenzoni la se aea formà enscin da beza, ma l percors per ruar a chest travert l é stat belebon lonch. 
»Ei, ge é metù mingol, é cognù girar l mondo per dapò capir che aessa bastà traversar strada a Sèn Jan per ruar su a la scolina olache l era le monie – la disc grignan. Son ampò contenta de aer podù far le esperienze che me à formà e fat capir la strada che l Segnoredio aea pissà per me.«

Duta l'intervista a suor Cristina é da poder lejer su La Usc stampèda de vender ai 10 de dezember.  (Lucia Gross)