La Usc di Ladins

D’istà te duta Fascia vegn metù a jir n muie de scomenzadives per nesc bec e chest an, apede a cheles oramai tradizionèles de cheles che aon dat cont sun chest sfoi, n é stat una neva.

Defat l Comun General de Fascia, con la Conseiera de procura al sozièl Mirella Florian e la responsabola di Servijes sozièi Paola Rasom, à pissà de meter a jir n projet de ativitèdes da d’istà ence per l grop de picioi ucrains che à troà azet te val.

La referentes del CGF se à pojà su la Coprativa »Progetto 92«, che endreza ence l projet  de sostegn per i scolees fora per l an de scola, e con la responsabola Luciana Paganini e la referenta per Fascia Manuela Davarda l é stat metù ensema l projet »Ensema se muda« da d’istà che à garatà dassen.

Da la seconda setemèna de messèl fin ai 19 de aost n bel grop, che é ruà ence a 20 bec, se à binà te la veia scola populères de Poza, olache compagnà da la ucraina Natalya Zemlenski e da Nives Iori l à podù viver con gran gaissa ogne sort de aventures.

De più su La Usc stampèda de vender ai 9 de setember.  (Lucia Gross)