La Usc di Ladins

Ence Claudio Bassetti, president per l Trentin del CNCA, l Coordenament Nazionèl de la Comunanzes de Azet, la federazion de organisazions che da 8 egn endreza la Setemèna del Azet, l é ruà te Fascia en vender per tor pèrt ai evenc endrezé dal setor sozièl del Comun General con la conseiera de procura Mirella Florian e palesèr sia vejinanza a duc i teritories che à tout pèrt a chest event, ence chi più periferics. La setemèna del azet se à serà su con na bela festa te tendon de Poza, a chela che à tout pèrt n bel grop de femenes e bec ucrains che à troà azet te val, a la Fuci o te vèlch autra familia, e de volontères che a na vida o l’autra à sport didament. A compagnèr la bona magnadiva enjignèda da L Malgher, sun paladina se à enterzà oujes e sons, paroles e notes mesties e algegres.

De più su La Usc stampèda de vender ai 14 de otober.  (Lucia Gross)