La Usc di Ladins

Te Sorastanza ge é stat consegnà i diplomes ai studenc che chest an à serà su sie troi de studie ti licees de noscia Val.

En vender ai 9 de dezember l é stat endrezà te Sorastanza de la Scola Ladina a Sèn Jan la consegna di diplomes ai studenc che chest istà à sturtà su sie percors de studie ti licees de Fascia. Chest apuntament mencèa oramai da trei egn: belapontin per doi outes l é sutà per via de la ria situazion pandemica. La manifestazion, prejentèda dal compagn del liceo scientifich Mattia Valentini, à vedù ence na cornisc musicala dassen gustegola.
L Sorastant Federico Corradini, col ge dèr l benvegnù al publich te sala, dozenc e oramai ex-studenc con sia families, l à portà dant sie piajer t’i veder endodanef: »Mia speranza l é che chisc 5 egn te noscia Scola, ence fac de momenc senestres anter lockdown e destanziamenc, sie stac dassen de valuta per voetres e che i dozenc sie stac bogn de ve passèr soraldut l entusiasm envers la cognoscenza e per chechemai fajarede te la vita«.

De più su La Usc stampèda de vender ai 16 de dezember.  (Nicoletta Riz)