La Usc di Ladins

Ai 9 de jugn, a la radunanza del Consorzie Eletrich de Poza, l é stat dat fora en don l liber »Scrign de poesie e mizacole de storia«: n regal che l CEP à volù ge far a duc si sozi (chi che no era chel dì i podarà jir a se l tor te la senta jun Pucia) e che se verc con na longia rima dal titol »La Centrale de Poza« che conta apontin la storia del CEP. Chesta rima e autre sessanta zirca che se pel lejer sun chest liber, é state scrite da Renato Soraruf de la Checa da Poza.

Renato Soraruf ai 20 de dezember l compirà 87 egn. Sion jic a l troar te soa ciasa sa Meida per rejonar de chest liber e aon vedù che te so scrign de recorc storie da contar l n à giusta teis, e bolintiera l à avert na crigna ence per i letores de La Usc di Ladins.

Podede lejer duta l'intervista su La Usc stmpèda de vender ai 30 de jugn.  (Lucia Gross)