»Se te ès sconet n recort, la cianzons les lo troa«, l é con chest dit che l Comun General de Fascia, la Scola de Musega Il Pentagramma e la sociazion Rencureme se à metù adum per endrezèr n bel event.
L conzert é stat endrezà en sabeda ai 18 de mé domesdì te oratorie de Poza tel chèder del program di conzerc d’aisciuda de Il Pentagramma. Na chindejina de joenec che fèsc pèrt del laboratorie folk de la Scola, sot la direzion del maester Daniele Girardi, à endeletà sun paladina l publich.
La presidenta Annalisa Zorzi à rejonà de la sociazion Rencureme e l’à recordà la fegura de Fabrizio Demartin, che l é stat diretor de la Cèsa de paussa de Pardac e per n trat ence de chela de Fascia, e do la penscion l à dat n bel contribut tel diretif de la sociazion, ma l é mencià acà doi egn amò joen, de 68 egn. Rencureme à pissà de ge dedichèr n pest al volontariat, che ge é stat consegnà dant dal conzert da la vedova Margherita a doi eles che da n muie de egn les fèsc volontariat te la Cèsa de paussa de Fascia.
De più su La Usc stampèda de en vender ai 24 de mé.
(LG)
N pest a recort de Fabrizio Demartin
Musega, istituzions e volontariat se à metù adum tel conzert dal titol »La conties de la musega«.
Galaria retrac
View the embedded image gallery online at:
https://www.lausc.it/valedes-ladines/fascia/27218-n-pest-a-recort-de-fabrizio-demartin#sigProIde89f63a71b
https://www.lausc.it/valedes-ladines/fascia/27218-n-pest-a-recort-de-fabrizio-demartin#sigProIde89f63a71b