La Usc di Ladins

Fazile (o de segur) l é de chi che se n à ascort che da n trat en ca i canai de comunicazion social de l’APT de noscia Val à mudà sia parbuda. Coche Fascia la vegn moscèda al publich sui social à na gran valuta tel mond turistich d’aldidanché, mascima canche da spes la destinazions de la vacanzes vegn cernudes fora ence a ge vardèr demò ai retrac ‘social’. Ma viapura, no l é de chest che ve conton anché, ma de chi che laora vindedò via chest mudament. Belapontin tedò la neva viesta grafica sui social (dret fossa per ingleis ‘visual identity’), l é Nora Giovannini, che à tout su l’encèria de social media manager. 

Nora, clas 1996, la é cresciuda su chiò te Fascia, sie père l é fascian e sia mère domenicana e ge sà bel se defenir ‘ladina-latina’. L’à na gran pascion per la cultura pop di egn Doimile, da semper pascionèda de internet e de sia dinamiches. I trei canai maores de comunicazion social de l’APT fascèna, schendir la piata Instagram @visitvaldifassa e la piata e grop Facebook Val di Fassa, dombra passa 400.000 followers. Ades la visualisazions per post les é presciapech 10.000.

De più su La Usc stampèda de en vender ai 16 de aost.  (Nicoletta Riz)