La Usc di Ladins

Cun l’ena passeda à nce l ultim candidat finà via l ejam a usc tla doi scoles mesanes de Gherdëina. Ndut fòvel chëst ann 120 sculeies y sculées, 79 a Urtijëi y 41 te Sëlva. Duc ie passei y possa nscila cialé inant de viers dla scola auta o dla scola prufesciunela che i à cris ora. L ejam ie chëst ann unit a s’l dé regularmën­ ter, deguni ne se à amalà y a chësta maniera àn pudù finé via cun l’ultima ena de juni. La modalità dl ejam fova la medema coche ti trëi ani passei, cun cin’ proes scrites, partides su te cater dis, y l ejam a usc, pra chël che uniun y uniuna messova prejenté n argumënt a plajëi.


»Chëst ann ne fova l livel a Urtijëi nia tan aut, mé un n sculé ie passà cun 10. Chësc fova l spiedl di ani passei, ajache àn cater terzes n mu­ mënt dëibles. Purempò à duc fat bën l ejam a usc y duc à prejentà de blòta tematiches for inò nteressantes«, nes à cuntà Monica Moroder, dire­ tëura dla direzion raionela de Urtijëi.

Ute Senoner, diretëura dla dire­ zion raionela de Sëlva à ntantsce cunstatà che »l livel fova bëndebò aut, ulësse sotrissé che i sculeies y la sculées se njinia ca bën per l ejam, n se ntënd che la majera pert tol sul scerio n tel ejam, che ie l prim gran ejam cun truep scric per i jëuni y la jëunes ..."

Nathalie Stuffer

L articul va inant tla edizion nueva de La Usc di Ladins de duman vënderdi ai 4 de lugio.