La Usc di Ladins

L é na neva oportunità culturèla e sozièla per la comunanza de Sèn Jan e de duta Fascia, chela che se à metù dant chisc dis. Na oportunità per duc chi che à la pascion de jièr ai scaches, e ence per chi che amò no i sà jièr ma che i aessa gust de emparèr e se meter a la proa te chesta disciplina che raprejenta na forma nobola de arcedament per l cef. Prest l Zircol di scaches amatorièl de la Veisc arà na senta ence te Fascia, e più avisa te la Biblioteca del Comun de Sèn Jan, a Vich.

La neva é vegnuda apontin dal »Circolo scacchistico amatoriale Avisio«, che jà da n trat l aea pissà de se slarièr fora a na vida maora ence te Fascia.

Se pel lejer de più su La Usc stampèda de en vender prum de aost, che se pel troèr ence te la boteighes de sfoes de la valèdes ladines.  (Lucia Gross)