La Usc di Ladins

Chisc dis passé n sgol intercontinental à menà Federica Colombo te la Bolivia, olache per n an alalengia la lurarà desche volontadiva per la Comunità Papa Jan XXIII.
La lurarà soraldut a La Paz, te projec de reabilitazion da dependenzes e per l servije de strèda con chela de didèr fora la persones che vif momenc de vita zis senestres.
»Per me l é desche jir de outa« la ne à contà, »siere jà stata te la Bolivia del 2022 per trei meisc anter i ejames e la lezions de università, e l é stat na esperienza che à lascià na pedia muie fona. Instouta la sarà de segur più lengia, forta, rèsa de emozions e encontres«.
Federica la é del 2000, la se à laureà en Svilup e Cooperazion Internazionèla e belapontin dant che la peasse demez, sion jic a la domanèr fora sun sie davegnir e sia spetadives.

Se pel lejer de più su La Usc stampèda de en vender prum de aost, che se pel troèr ence te la boteighes de sfoes de la valèdes ladines.  (Nicoletta Riz)