La Usc di Ladins

Na bela cumpëida de apasciunei d’ert se à abinà n vënderdi dan otodì pra la giaurida dla mostra dal titul »Crëps danter mit y cumerz«. Tla mostra vëniel metù ora opres d’ert da śën y da pludagiut. 
I lëures mostra l passaje danter na ududa romantica y idealiseda di crëps, ai cumpurta­mënc da śën, plu avisa la maniera de se fé for plu y plu patrons di crëps. Propi perchël à la curadëura Kostner Valentine tëut ite tla mostra chedri che n à depënt tl penultim centené deberieda cun opres de artisć de aldidancuei. I artisć che mët ora ne n’ie nia mé da tlo ma nce oradecà: l ie da udëi lëures de Elisabeth Frei, Gotthard Bonell, Erich Erler, Rolf Bakalla, Pante Demetz, Claudio Costantino Tagliabue, Konrad Petri­des, Gregor Prugger y Leonhard Angerer.

Dut l articul n con' dla mostra pudëis liejer tla edizion nueva che vën ora n vënderdi ai 29 de agost.