La Usc di Ladins

L é temp de desmontear ence per Giulio e Inge Brunel da Muncion che chest istà à tegnù la Malga de Col de Mez del Comun de Soraga. Do aer fat jir per 5 egn la Malga ti Munciogn e esser stac l an passà tal Boer per cont de la sozietà arlevadores de Soraga, chest an i à vent la gara per se tor en gestion la Malga de Col de Mez con la oferta più auta su la basa de encant de 5 mile euro al an. »L contrat é de 5 egn – ne à spiegà Inge Brunel – sion contenc de l’aer ciapada, amò de più percheche gio son da Soraga e donca l é desche jir deretorn te mie paisc.«

Inge Brunel l é la soula joena bacana te Fascia. Ensema a sie om la rencura 51 bestie, de cheste na trentina da lat. Chest istà i le à monteade sun Col de Mez olache i aea en dut 130 bestie, anter chele da lat, chele sute e ciavai. Apede a chele soe l era ence chele de autres bachegn da Soraga e dal Sudtirol, chisc à menà su ence ciavai.

L bacan l é nosc mestier, sion stac te malga 120 dis ensema a nesc fies che i ne vegn do. Martin, l più gran, l à 10 egn e l vegn al pascol con noi, Giulia, la più picola, la n à 5, a duc doi ge piasc sa mont. Ceriaane na malga da star demò d’istà percheche chi egn che sion stac ti Munciogn la é stata grieva.

De più su La Usc nr 37 de en vender ai 27 de setember. L sfoi é da poder comprèr ence te la boteighes da sfoes de la val  (Monica Cigolla)