La Usc di Ladins

La sajon da d’invern di impianc portamont va a piz con lunesc de Pèsca ma per chel che vèrda i hotie, amancol per la gran pèrt, la se à fenì fora jà coi 20 de mèrz. Na sajon certa, caraterisèda dai gregn evenc sportives de la Olimpiades e Paralimpiades che, se da na man à fat cognoscer te dut l mond nesc teritories, da l’autra i à segnà la sajon turistica per chel che vèrda i numeres, de più te Fiem, ma mingol ence te Fascia e soraldut a Moena, l prum paisc en or su ai lesc di Jeghes. Nos aon rejonà con Davide Moser, che de otober del 2025 é endò stat lità president di hotelieres de Moena al post de Patrizio Prandi. Moser l era jà stat a cef del grop de hotelieres dal 2007 al 2016.

Co éla jita la sajon da d’invern?

Davide Moser Aon abù n bon dezember e n ezelent jené, firé l é stat sfaussà da le Olimpiadi, i ghesć afezioné che aane da egn i à preferì jir utró. Chest no tant per l priesc ma per la percezion de problemes de trafich, de mobilità, de strade serade. Cogne dir che a Moena n aon ressentù de chest, l é stat na sort de rebalton, assane zenz’auter podù far numeres maores. L cruzie maor l é che ades n muie de ghesć se i aon perdui, magari l an che vegn no i vegn più deretorn.

Ve aede tirà su l meis de mèrz?

Na, percheche aon abù n gran smendrament de jent do l 15 e n muie de hotie à serà. L é jà dotrei egn che do la metà de marz se fasc fadia.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)