La Usc di Ladins

La squadra de robotica Gome Neve de la Scola Ladina de Fascia la setemèna passèda la é stata a Palermo, per tor pèrt a la finèles nazionèles de la First Lego League 2026, competizion dedichèda a la neva tecnologies e a la scienza, che chest an demò te la Tèlia l à tout ite passa 400 gropes de bec e bezes. 

Le Gome Neve les aea vadagnà l derit de partezipèr a la finèla te la Sizilia, de gra a la venta otegnuda te la semifinèla jièda ‘te cèsa’, en domenia ai 11 de jené al Kino de Cianacei.
Ence a la finèla de Palermo i joegn fascegn à fat bela fegura e otegnù de bie resultac, tant te la endesfida de robotica, olache i à arjont l 14-eijem post te la classifica finèla, che ence te la valutazions di projec scientifich e tecnich. Endèna la zerimonia de premiazion le Gome Neve les à venciù l pest de Ezelenza enjegneristica per so robot, de gra a sia inovazions e soluzions enteressantes dal pont de veduda tecnich. 


Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Thomas Zulian)