La Usc di Ladins

Ai 23 de mèrz la Scola Ladina de Fascia à podù ge fèr proèr ai studenc de la classes pruma e seconda de duc i Licees na esperienza de inclujion sozièla e de sensibilisazion su la desabilitèdes de la vista.

De gra a la colaborazion anter la Scola Ladina e la Coprativa sozièla Abilnova, che laora da egn tel ciamp de la desabilitèdes sensorièles del Trentin, l é ruà dalonc pec vèresc dal Istitut, l truck del projet ‘Dark on the road’. L sotitol de l’atività l é ‘l saor del scur’: daite tel truck defat l é stat endrezà n bar dut tel scur. La classes toutes ite, per n’ora, à podù sperimentèr en pruma persona che che vel dir viver zenza veder. Descomané fonins e orloes digitèi, l scur cogn esser scur patoch proprio per fèr viver na esperienza che più ge somea a la realtà.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Maria Elena Bordinazzo)