La Usc di Ladins

Ai 17 de mé i capifech de Poza, chiamé a litar l nef Comitat de la Frazion, ge à dat fiduzia a duc i componenc che aea aministrà l'ASUC ti ultimes 5 egn: Bernardino Zulian de Cuz che l era capofrazion, Gabriele Detomas dal Ansol, Marco Locatin de Patron, Massimiliano Rasom de Rajum e Fernando Cincelli de Jina. En dut i à concostà ben 620 stimes, beleche 100 più che jai 5 egn, enceben che chest an sie stat de autre persone che se à metù a la leta. L maor ejit, con ben 149 stime, l é stat per Gabriele Detomas dal Ansol e en jebia ai 25 de jugn i 5 componenc se à binà e i lo à lità nef capofrazion.

»No me spetae chest ejit - l ne à dit Detomas - chesta uta l era valgun de più, ence  joegn e na femena, per me l é bel che sie ence de autre persone che se met. Gio son stat content e é pissà che se la jent me à dat la stima l é giust che me tole su chest empegn. Sé che l é na responsabilità, ma ge é domanà a duc i componenc del Comitat che i me deide, voi che fossane na squadra che se confronta e laora adum.«

Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)