La Usc di Ladins

Nce sce n ne possa chisc dis nia ti cialé pro ala naziunela taliana pra i mundiei, rejónen tla Talia mefun mpo for gën dl juech al palé. La pascion per chësc sport ie granda, nce te nosta valeda. Mpo n valguni da tlo ne n’à perchël nia ulù se arjumé la ancunteda de n vënderdi dl’ena passeda cun l ex alenadëur y jugadëur Fabio Capello te Sëlva. Sun plaza de Chemun s’l à Capello ciaculeda cun Gianni Valenti, jurnalist dla zaita La Gazzetta dello Sport. 

L fova chësta la prima dla de ndut cater ancuntedes che la Lia dl Turism de Sëlva mët a jì de juni y lugio n cunlaurazion cun la zaita cunesciuda La Gazzetta dello Sport. Per i “Gazzetta Talks”, nscila l inuem de chësta ancuntedes, àn nce nvià ite l ex atlet de ginastica Jury Chechi y i doi ex jugadëures de palé dla naziunela taliana Alessandro Costacurta y Gianluca Zambrotta. Tl’enes che vën puderan jì a ti scuté su y a i cunëscer sun l Pra da Nives te Sëlva.

Elisabeth Kostner

L articul va inant tla edizion nueva de La Usc di Ladins de duman vënderdi ai 3 de lugio.