La Usc di Ladins

»Do na fona enrescida, l é con gran orgolie che anunzion la prejenza te nosc grop, da desvalives egn, del Menacrep più de età de la Tèlia«, coscita taca via l envit di Ciamorces de Fasha a festejèr na persona de naa da Moena, de 103 egn: Giuseppe Dellantonio ‘Bepi Tasin’ nasciù ai 16 de mèrz del 1923. Bepi Tasin l stèsc gran pèrt del an a Trent con sie fi Paolo ma, canche l pel e soraldut i meisc d’istà, l vegn deretorn te sia cèsa ite per Longiarif a Moena. Bepi l fèsc pèrt di Ciamorces da canche l é doventà menacrep e belapontin en domenia ai 12 de messèl si amisc à endrezà n moment de zelebrazion. »Volon se strenjer dintorn a Bepi Tasin – à dit l president di Ciamorces Ivan Vian - na persona straordenara che per gran part de sia vita se à dat ju per far cognoscer nesc monc, per l svilup turistich e la crescimonia de noscia val.«

I Ciamorces de Fasha envia duta la comunanza a la festa, en domenia ai 12 de messèl a Ciampedel, da les 9:30 con la messa grana, dapò duc se tramudarà jun Pian de la Teiles, sarà i recognoscimenc de l’autoritèdes, la cianties del Cor Valfassa, i bai di Schuhplattler e mezmesdì per duc.

Podede lejer dut su La Usc stampèda dai 10 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)




 (Monica Cigolla)