La Usc di Ladins

En jebia ai 10 de setember te Fascia l é scomenzà la lezions per 1086 studenc e 182 dozenc. Chisc aboncont i aea jà scomenzà sie lurier col prum del meis: chel medemo dì l é stat la radunanza plenèra, prum confront su l'organisazion e i projec. Con la neva sorastanta Mattea Eccher, che da chest an de scola l'à tout l post del professor Federico Corradini e la vidarà la Scola de Fascia amancol per i 5 egn che vegn, aon rejonà de sia pruma imprescions e de chel che l é vegnù fora te la radunanza.

Sorastanta, co él stat l scomenz de voscia encèria e co éla jita la pruma radunanza di dozenc?
Mattea Eccher Gé chiò fin dal scomenz é troà na gran colaborazion da man de duc, tant dozenc che personal ATA. La pruma radunanza la é jita delvers e aon fat fora costions emportantes.

Podede lejer duta l'intervista su La Usc stampèda de vender ai 11 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (Lucia Gross)