La Usc di Ladins

La jovena lista »Fodom del Davignì« con cé l candidat Capocomun Oscar Nagler la se prejenta ai eletori con en program che veiga sunsom a le priorité de goviern chëla de scombate l spopolament de la val. »L é la mere de duc i problems che pësa sun nosta comunité, perciéche da chëst pò ven fora disservisc e critizité – disc Nagler. »Troc jovegn i mossa sen jì da Fodom a gauja dei priesc massa auc dei cuartier e perciéche se stenta ence a nen ciapé da fité. N problema che mossa ciapé a mán nte doi faji. Na pruma, ntel curt e medio temp, a nost modo de vedei, l’é chëla de ndividué lotizazion de tarens comu­nai ulà podei mëte a jì scomenciadive de fabriché popolar per la residen­zialité o recuperé fabricac comunai dijabitei. Scomenciadiva che se podëssa pensé de finanzié al 30% con scioldi del Fond Comun de Confin per le jovene fameie, coche a bele fat nten progét sperimental l Comun de Sovramonte«. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper