Da na moda di ani '50 unida dal'America, se àn tëut ju na puscibltà de mëter a jì manifestazions per na majera cumpëida de jënt, stajan mpo de zes un dal auter.
L ie l "Dolomitale Drive In" che à metù man cun si lingia de films dan otodì per jì inant ntan dut l instà.
Scumencià àn ai 4 de lugio cun n bel cunzert dal vif di "Pëufla", che ie for boni de sciaudé ite l'atmosfera cun si mujiga da druch. Nce per ëi iel perauter inò stat l prim cunzert do l lock down.
Vintsies auti à tëut su l nvit de unì a chësta "premiere" ulache l ie unì mustrà l film storich "Tanz der Vampire" de Roman Polanski, tëut su propi sun la mont iló dessëura, sun Mont de Sëuc, dan 54 ani.
N possa śën dì cun segurëza che l "Dolomitale Drive In" unirà metù a jì ntan dut l instà, ti mënsc de lugio y agost, uni sada sëira dai 18 de lugio inant. Iló saràl da udëi l film dl 2018 Bohemian Rapsody, che trata dla grupa di Queen cun Freddy Mercury.
Deplù iel da liejer tla Usc dl 10 de lugio 2020.
UK
Fotografia: L auto-chino cun cunzert di Pëufla.
Cialé films stajan te auto
Galaria retrac
View the embedded image gallery online at:
https://www.lausc.it/valedes-ladines/gherdeina/13064-ciale-films-stajan-te-auto#sigProId0bf11edead
https://www.lausc.it/valedes-ladines/gherdeina/13064-ciale-films-stajan-te-auto#sigProId0bf11edead