Cie ie pa perdrët na nteligënza artifi ziela? Àla pa na cuscienza? Sàla pa da pensé? Sàla pa cie che ie etich o nia etich? Ulessais'a Vo savëi de ce malatia che murirëis, sce n computer savëssa da V'l dì? A cie pudons'a mo ti avëi crëta? Sarà pa la persona for plu y plu freda? Chëstes ie n valgunes dla truepa dumandes che ie unides ora pra la sëira de descu scion tl Tublà da Nives te Sëlva, n juebia dl'ena passeda, te na sala bela plëina de jënt nteresseda.
I referënc ie stac l espert de IT Chris toph Moar, l dutor de cësa Simon Kostner, l jurnalist de Rai Südtirol Hannes Senfter y l critich d'ert Markus Klammer. Lukas Plancker à fat da muderadëur.
L articul pudëis liejer tla edizion nueva de La Usc di Ladins de ncuei vënderdi ai 24 de mei.
Bruno Maruca
Cie sà pa da fé la nteligënza artifiziela? Y cie pa nia?
Truepa dumandes de chësta sort iel unit su pra la sëira de descuscion tl Tublà da Nives n con' dla nteligënza artifiziela. I referënc: n espert de IT, n dutor de cësa de Gherdëina, n jurnalist de Rai Südtirol y n critich d'ert. Nce l publich à dit la sia, cun reflescions y dumandes nteressantes
Galaria retrac
View the embedded image gallery online at:
https://www.lausc.it/valedes-ladines/gherdeina/27208-cie-sa-pa-da-fe-la-nteligenza-artifiziela-y-cie-pa-nia#sigProId854e06dcc9
https://www.lausc.it/valedes-ladines/gherdeina/27208-cie-sa-pa-da-fe-la-nteligenza-artifiziela-y-cie-pa-nia#sigProId854e06dcc9
