La Usc di Ladins

A rotazion danter Urtijëi y Sëlva vëniel uni ann urganisà la festa folcloristica »Gröden in Tracht«.
Chëst ann à la Lia dl Turism de Sëlva metù a jì chësta manifestazion te Sëlva ai 3 de agost. La festa sun plaza de Chemun à metù a jì i Destudafuech dl luech.

L mumënt plu mpurtant dl di ie dessegur stat la defileda, ulache l ie jit pea bën undesc lies: la Mujiga
de Sëlva, chëla de San Piere, chëla de Urtijëi y da Bula, i Scizeri de Sëlva y de Urtijëi, la grupa bal populer de Urtijëi y chëla de Sëlva/Santa Cristina, na cales cun i ambolc di trëi luesc de Gherdëina, na cales cun i trëi presidënc dla Lies dl Turism dla valeda y la lia guant dala Gherdëina tla cales da noza.

Julia Lardschneider

La paroles dl presidënt dl Lia dl Turism de Sëlva Christoph Vinatzer, dl prugram y n con' dla festa sun plaza pudëis liejer te La Usc che vën ora chësc vënderdi ai 8 de agost.