La Usc di Ladins

L ti manciova belau la paroles canche i à dat sëura."Ie ne son mo mei julà nscila, jan ite sciche n motor for plu y plu inite, fantastich", dijova un. "Ie son finà", respundova l auter. Da si uedli udòven che l ie stat per ëi na ventura stramba, na ndesfida cun de gran emozions. L pilot de parapënd Kilian Insam y si cumpani Jan Piere Karbon, tramedoi de Gherdëina, à n dumënia passeda purvà a bater l record dl jol plu lonch cun l parapënd tandem, record che Kilian nstës ova metù su tl 2017 cun 219,65 chilometri te nuef ëura y mesa de jol. La ndesfida fova chëst iede chëla, de purvé a fé bën 250 chilometri, cossa nia tan saurida de doi, davia che l parapënd tandem pëisa deplù y l ne n'à nce no na tel vëila da cumpetizion coche l singul.

L articul tla edizion atuela de La Usc di Ladins.