La Usc di Ladins

A vel’ un ti sàl bel a se peté ju tl sablon al mer, d’autri va a fé wellness, Martin Rabanser ne n’ie nia un de chëi. Canche ël va de viac se chìrel ora cosses, sce n possa dì nscila, mpue estremes, strambaries che nia duc possa o ulëssa fé. 
Dan puecia enes iel ruvà de reviers da n viac tla giungla dl Ama­zonas ulache l à vivù cun persones che ne n’ova plu dessegur mo mei abù da nfé cun un da tlo.
L se trata de set enes de viac ntan chëles che Rabanser ie stat tl Ecuador, tla Colombia, tl Peru y tl Brasile, chiran respostes sun tematiches desfrëntes. »Nëus tlo son nfluenzei dai mass media, tres n tel viac rùven sëura che l ie nce d’autri ponc de ududa, d’autra realteies y d’autra respostes a truepa dumandes«, nscila Martin Rabanser.

SPM

Dut l articul de chësc viac speziel pudëis liejer tla edizion nueva de La Usc di Ladins.