La Usc di Ladins

Baian cun le musizist Christian Pescosta sínton sön la pel la vëia che al á da jí fora de ciasa y fá conzerc do la gran stlüta por le coronavirus. Christian nes cunta da Milan, de co che al á passé chisc mëisc, dla fortüna che al sint da avëi por le laur de inrescida y stüde che al á podü fá: por so album nü, por na manira nöia da soné dal vi.

La Usc: Christian, co vára pa a Milan generalmënter, y co te vára pa a te personalmënter?
Christian Pescosta: "N bel salüt a te y a düc. Por ci che reverda Milan foss la resposta completa massa lungia por la scrí chiló, an adorass cuaji n liber! Te vigni caje vára miú por ci che reverda i dërc dla porsona. Cina ai 15 de messé

• "Hot Dust": produziun de n album nü y le conzet live nü. Indoman la fin de messé sará Chris Costa da aldí a Trënt. Foto: Luca Centola
•  

View the embedded image gallery online at:
https://www.lausc.it/valedes-ladines/val-badia/13180-chris-costa-y-le-val-badia-jazz-festival#sigProId430b3599a3

podônse se ciafé na straufunga dër sarada, sce i rodân zënza mascherot alaleria ince da susc. Al é sozedü tröpes cosses dër graves tla gestiun regionala y ince por ci che reverda i decrec nazionai denant. I speri che ince la Talia toles sö les modalités dla Germania por ci che reverda les gestiuns dles emergënzes, y nia ma de chëres. A mé me vára bun por fortüna, giulan!"

La gran stlüta por le coronavirus á atoché gravemënter le monn dl spetacul y dla musiga. Co te ésera pa jüda a te y co te vara pa sëgn?
"Por fortüna âi bele organisé denant da sté chit cina d’isté, ti ultimi 3 agn ái fat dër tröpa inrescida y stüde por la produziun de mi album nü y le conzet live nü dl proiet 'Hot Dust'. La maiú pert di festivai incërch tla Talia y foradecá ne vëgn nia plü fac, i á pordü conzerc y oportunités y i speri che la situaziun vëgnes tosc normalisada. Iö vá inant de por de y mëti dötes mies energies y mia pasciun te ci che i feji – sciöche tres."

...

Can podunse pa gní a te ascuté sö te nüsc raiuns o nia massa dalunc da nos?
"Indoman, ai 31 de messé 2020, da sëra soni le pröm conzert de 'Hot Dust' a Trënt, al Teatro Capovolto, che dá sön plaza Cesare Battisti, organisé dal Centro Santa Chiara por na rassegna de conzerc vigni vëndres de messé. I ne vëighi nia l’ora!"

Ci ti díjeste pa a tü colegs dla musiga che se stënta dër te chisc tëmps nia saurisc?
"I diji ci che i me diji a me instës: tres inant!"

 (Iaco Rigo)