La Usc di Ladins

»Gesunde Naschereien für Kinder« é le titul dl e-book dé fora chisc dis da Valentina Moling da San Martin de Tor, che vir sëgn a Falzes cun süa familia. Da 10 agn incá se dá jö Valentina cun l'alimentaziun, en particolar ára studié les dietes »Low Carb« y »Paleo«. Le 2020 é sté n ann rich de sodesfaziuns por ëra, bele de merz âra dé fora n liber de rezetes adöm cun Sieglinde Pircher y Vivienne Berger dal titul »Bleib gesund. Backen ohne Zucker und Mehl.«

T'La Usc che gnará fora ai 23 de dezëmber podëise lí l'intervista che i ti un fat a Valentina y ince ciafé na rezeta de biscoti da Nadé particolars.  (kp)