La Usc di Ladins

Ai 7 de aurí s'á abiné la scora de schi da San Ciascian por la cëna dla fin de sajun. Te chësta ocajiun él ince gnü surandé diploms a maestri de schi che fej chësc mistier da tröc agn incá, ara se trata de Guido Tavella y Thomas Rubatscher che á scomencé da insigné tla scora de schi da San Ciascian dl 1967, Edi Clement dl 1969, Angel Tavella dl 1970, sciöche ince Luigi Glira, che é sté diretur por bëgn 20 agn alalungia, Luigi Valentin y Enrico Canins á metü man dl 1972, Vizenz Rudiferia dl 1977, Carlo Canins dl 1978 y Erich Mangutsch dl 1981. Mo chël che insëgna da plü di tla scora de schi da San Ciascian, plü avisa da 56 agn incá, é Federico Valentin, Fidolo, de Badia.

I l'ún incunté y ti un fat na intervista che i podëis lí tla ediziun stampada che vëgn fora indoman, vëndres ai 29 de aurí.   (kp)