Tles ultimes döes edemes él sté impröma a Rina y spo a Antermëia les festes por i 50 agn da prou de siur Paul Campei. Retrac y impresciuns ciafarëise t’La Usc di Ladins di 8 de messé. Chëstes festes sona sëgn ince n pü’ da festes de comié, sce an lí l’ultim comunicat dla Diozeja. Chësc mercui él gnü informé sön les mudaziuns de proi y personal diozejan. Danter chëstes n’él ince öna che reverda siur Paul Campei. Le curat dles sis ploanies dla bassa valada vëgn deslié da dötes sües inciaries, y chësc bele cun le 31 de messé. Al ne sará porchël nia plü curat tles sis ploanies olache al á daidé fora tl ultim tëmp: Rina, Antermëia, San Martin, Lungiarü, Al Plan y La Pli. Al é da capí che chësta mudaziun comportará ince mudaziuns pro les funziuns y tla vita dles ploanies.
La Diozeja á ince comuniché na secunda mudaziun, che reverda Paul Felix Rigo da La Pli, cina ciamó responsabl dl convit dl Vinzentinum a Porsenú. Al á dé zoruch süa inciaria y vëgn deslié da chësta cun i 17 de messé. So post vëgn tut ite da Julia Linder. (pablo)
Siur Paul Campei: do le iubileum, vëgnel le comié
Mudaziuns de personal tla Diozeja: siur Paul Campei ne sará nia plü curat tla bassa valada y Pauli Rigo lascia la inciaria da responsabl tl convit dl Vinzentinum
Galaria retrac
View the embedded image gallery online at:
https://www.lausc.it/valedes-ladines/val-badia/20158-siur-paul-campei-do-le-iubileum-vegnel-le-comie#sigProId0fdc31175c
https://www.lausc.it/valedes-ladines/val-badia/20158-siur-paul-campei-do-le-iubileum-vegnel-le-comie#sigProId0fdc31175c