La Usc di Ladins

I viun te na regiun, le Südtirol, olache l'alcol alda pro la cultura. Plü dl 90% dles porsones danter 14 y 85 á boiü alcol almanco n iade te süa vita; gran pert bër cun regolarité, mo chël n'ó nia ciamó dí che ai nen abusëia. Da alzé fora él indere che al é tres plü jogn che röia pormez al alcol y le 37% manacia da svilupé na dependënza. Mo impó resta i problems liá ala maladoranza dl alcol – ince ciamó dl 2022 – n tabu: ai vëgn ascognüs ia, deache an se doda. Propi porchël, sciöche al é gnü sotrissé dala presidënta dl Consëi de Formaziun Elide Mussner, él important da nen baié, por afronté deboriada chësta plaia dla sozieté. Tröpes é les porsones che é rovades adalech tla Ciasa Runcher a Badia a d'ascuté sö le dotur Mazzurana, geniturs, mo ince ombolc, insegnanc y insegnantes y i Carabinieri dles staziuns da La Ila y da Corvara, che vëgn confrontá de por de cun i problems liá al consum de alcol y de droghes.

Deplü tla ediziun stampada d'La Usc, che vëgn fora indoman, vëndres ai 7 d'otober. 
 (kp)