La Usc di Ladins

"Chë picia stria" é na figöra positiva, sterscia, che chir so post tla sozieté cun tröp coraje. Por ti jí do al bëgn de düc s’infidera finamai da jí sura regoles atempades fora. Ara é na jona che á crëta te so pinsier critich y che ne la dá nia sö sce les cosses ne vá nia do sü plans. Porchël n’ésera nia a öna da messëi olghé y sté a ciasa tratan la festa dla "Walpurgisnacht", la nöt de Santa Valpurga, ma deache val’ vedla convenziun le comana. "Ara chir soluziuns, sigüda che valgünes tradiziuns adora bindicé na renfrescada por le bëgn de döta la comunité", presentëia la rejista Barbara Comploi la protagonista dl musical da iniann. Sciöche bele tles ediziuns dal 2016 incá, vëgn le proiet porté inant adöm cun Sofia Pisching (direziun musicala), Maria Frenner (costüms), Nadia Gerstl (scenografia y grafica) y Stefanie Kaneider (organisaziun y coordinaziun) – n grup de laur de profescionistes tl setur.
"Chë picia stria" é n musical te cater lingac: talian, todësch, inglesc y sambëgn ladin y al vëgn chirí mituns y mitans, jones y jogn danter 10 y 18 agn che fej para.

Deplü informaziuns sön le toch y por s’anunzié, ciafëise t’La Usc di Ladins di 17 de forá, sot le Ciantun dla Uniun Ladins Val Badia  ((ULVB))