La Usc di Ladins

Te nüsc paisc é l’usanza da "mené en müsc d’aurí" scialdi tomada, deache la jënt é massa ciariada de laur y ne stá nia plü tan sön crëtes sciöche laota.
Aurí é le mëis de Pasca. Gragn y pici speta ert che vëgnes aurí, deache al porta bel plan l’aisciöda, a chëra che cis la jënt atempada y püra se conforta, do la sajun tan lungia dl invern frëit. Merz se mostra gonot cun sböres, mo aurí pó ince ciamó fá giac, lascé gní la nëi y frëit.
Al pröm d’aurí i dijon "le de di mac"! An mëna jënt en müsc d’aurí. An tira ca le müsc deache an l’arata da tec; porchël dijon a n möt che ne capësc brocia: t’es n müsc!