La Usc di Ladins

Canche porsones che an vëiga por so laur y sorvisc na generaziun intiera n de sciö y n de no vá en ponsiun, müda n aspet sozial y ince interpersonal tla cuotidianeité. Chësc é le caje pro le dotur de ciasa, pro le laurant dla strada, pro le postin y pro tröc d’atri mistiers che fej sü laurs tl publich. Insciö aran sëgn mancia ince Ernesto Ferdigg da Rina, un di postins dla Val Badia plü presënc cun la posta. Cun ël s’l’unse cuntada de so laur y sorvisc fat bëgn 40 agn alalungia, por la maiú pert tla Val Badia.

40 agn pro la posta

Ernesto Ferdigg nes cunta ion de söa vita, te 40 agn pro la posta ál fat para le svilup dles strades tla valada y ince les Postes che s’á desfiré inant.

La Usc: Ernesto Ferdigg, ciodí este pa deventé postin?
Ernesto Ferdigg: "I mëssi dí che do la scora mesana y denant che deventé postin, ái porvé da jí a studié, ma che i m’intenô che jí a scora y sté sot ales leziuns y ai maestri ne m’ess nia plajü. Insciö sunsi jü cun le pere a mëte ite func, tratan fajôi la scora profescionala da tistler por deventé gsel – la scora por funzisć n’ê mine ciamó laota! I jô a lauré, cina che al me gnô pité n de le laur pro la posta, le pere tignî la söa da dí: Vá pö pro la posta, al é n laur sigü y te dá n gröm de garanzies; y cun 52 agn jaraste en ponsiun, spo podaraste ciamó mëte jö func por 20 agn."

Liede do döta l’intervista tla ediziun atuala y nöia de La Usc di Ladins!