La Usc di Ladins

Insëra á le Consëi di Ministri a Roma fat fora da dé löm vërda ala lege provinziala dl Südtirol por stlopeté i gragn predadus. Ma un n vare é gnü mudé: chël da ti lascé tëmp al ISPRA (Istitut alt por la inrescida y la sconanza ambientala) da tó posiziun söl mandat dl Presidënt dla Provinzia da limité le busiamënt de cer tiers che s’á desmostrá prigorusc y stlopeté val’ tiers prigorus.
"Nüsc sforc dan ai Ministri che á doré di assá é stá por val’ y sëgn unse na lege che nes dá val’ poscibilité da afronté la problematica", á dit l’assessur provinzial al'agricoltöra Arnold Schuler.
Les normes de atuaziun ala lege é bele tl laur da gní laurades fora y la Junta dla Provinzia á prescia da les aproé por dé at ala lege ciamó denanche l’isté y la pascentada a munt vais a piz.  (Iaco Rigo)