La Usc di Ladins

I lingac é zacô dagnora stá na pert importanta tla vita de Anna Gasser da Rina. Te so laur da insegnanta ára impröma insigné todësch, spo ésera passada al inglesc y todësch y sëgn insëgnera inglesc tla scora mesana d’Al Plan. I ladins s’armöi bele por natöra danter monns linguistics desvalis, cun le ladin sciöche lingaz dla uma, talian y todësch sciöche gragn lingac de nosta provinzia y nia inultima l’inglesc sciöche lingaz internazional, che vëgn de gre en gre tres plü presënt. Propi tres le laur á Anna Gasser odü le debojëgn da avëi n stromënt olache scolares y scolars podess s’armöie plü saurí danter n lingaz y l’ater, ciafan les parores te düc cater i lingac. Insciö s’ára instëssa trat ite les manies y s’á metü al laur. N pröm resultat ára bele albü danman dl 2020, canche ara á realisé n dizionar ilustré cun na dërta cumpëda de parores ti cater lingac. Tl pröm é le dizionar gnü fora tla forma digitala, che é da ciafé dötaurela sön le sit www.dizionar.com . Sëgn él ince garaté la verjiun stampada.

Deplü podëise lí t’La Usc di Ladins di 8 de setëmber  (pablo)