La Usc di Ladins

Vigni ann ai 22 de novëmber vëgnel recordé Santa Zezilia. A Badia, ai 26 de novëmber, ultima domënia dl ann liturgich, él gnü zelebré da siur degan Iaco Willeit la gran mëssa dedicada ala festa de Crist Re y de Santa Zezilia. Le Cor de dlijia á cianté na bela mëssa solëna, cun toc de W. A. Mozart (le Gloria dla "Kröngungsmesse"), de Haydn ("Orgelsolomesse"), le "Cantate Domino" de Karl Jenkinse. 
A conclujiun dla mëssa sö da alté, á le Cor spórt so salüt musical y á porté dant la bela ciantia "La sera sper il lag" de G. B. Casanova cun test ladin "Sö alalt al cil" scrit dala dirighënta Maria Cristina Pitscheider. Dedô á spo siur Iaco Willeit surandé deplü onoranzes a componënc dl Cor de dlijia y a n mëmber dl’Uniun di portaconfaruns.

Deplü podëise lí y odëi t’La Usc di Ladins di 15 de dezëmber  (Susi Pitscheider)