La Usc di Ladins

Tratan le mëis de forá tomá ite ince la domënia de Andreas Hofer, olache les compagnies de scizeri tol la ocajiun por recordé le de dla mort de Andreas Hofer, mo ince por recordé les porsones che á messü lascé süa vita por la patria. En chësc ann é la festa tomada ai 18 de forá, olache la Lia di Scizeri dl Südtirol á invié a Maran, ala "Andreas–Hofer–Landesfeier".
Te chësta ocajiun él ince gnü surandé les medaies al mirit "Catarina Lanz". Dui scizeri á podü pié do la medaia d’arjënt y 13 la medaia de brom. Pro chisc ultims él ince trëi ladins. Walter Testor y Lorenzo Soratroi dla compagnia da Fodom y Katrin Ellecosta di Scizeri da La Pli de Mareo.

T’La Usc di Ladins di 23 de forá ciafëise deplü: de Testor y Soratroi sot ales plates da Fodom, de Katrin Ellecosta sot ala Val Badia, olache ara nes dij ince ci valüta che chësta onoranza á por ëra.  (pablo)