I á fat fadia da me ausé ite da lauré te scora, i ê massa ausada da ester lëdia da me organisé, da lauré cun mi tëmps y cun i tëmps di mituns y mitans cun debojëgns particolars – tl ciamp sportif.
Te scora él sambëgn atramënter, i minâ che al messas jí döt plü debota y chësc ê n pëis (val’ iade él ciamó insciö).
Al n’é sigü nia saurí da lauré cun porsones cun debojëgns particolars, che
View the embedded image gallery online at:
https://www.lausc.it/valedes-ladines/val-badia/26519-ciareme-ti-edli-cun-sabrina-da-col#sigProId8b8d7e0350
https://www.lausc.it/valedes-ladines/val-badia/26519-ciareme-ti-edli-cun-sabrina-da-col#sigProId8b8d7e0350
An mëss avëi coraje da porvé, mo an mëss dantadöt avëi la orenté da conësce la porsona che t’as dan da te y sce t’es empatica aste les portes davertes y te pos arjunje de döt. Tan gonot che al m’é gnü dit: "al n’é nia bun, ara n’é nia bona", ince da familiars y deperpo él gnü arjunt tëmps o limic nia da crëie. Ci sodesfaziuns!
Ci che me tol plü docá, é da odëi co che ai s’impegnëia, co che ai se proa por rové al obietif y la ligrëza te sü edli canche ai ti é stá bogn da arjunje valch, sides tl sport co ince a scora.
Ci che i orëss dí: Azeté la desfarënzia!
Azeté la desfarënzia te dëida capí. Chëstes porsones trasmët dër tröp, ares baia cun i edli, ares mostra só "ester" cun le ciaré – sce an ne les conësc nia, ne les capëscion nia.
Y cun chësc röii: Ciareme ti edli, ciareme cun tü edli – no cun chi che vëiga ma mia dejabilité, te odaras n ater monn!