La Usc di Ladins

Na scoltöra nöia á ciafé so „daciasa“ sön le „Tru di Artisć“, atira sot le paisc de San Ciascian. Le brom mostra na figöra feminila, che porta le titul „Sentí“. „L’ëra é na rapresentaziun universala y atemporala dl’anima y dla energia ch’é da ciafé tla vita“, spliga l’artist da Urtjëi Walter Moroder.
Le proiet "Tru di Artisć", nasciü tl isté dl 2011 te na colaboraziun danter Cooperativa Turistica Alta Badia, Comun de Badia y EPL–Ert por i Ladins, röia cun chësta donaziun, fata da pert dla dita da La Val „Decor“, a süa diejima opera d’ert.
Le "Tru di Artisć"é na galaria alaleria de scoltöres de artisć dla Val Badia y ince dl raiun dles Dolomites. L’opera de Moroder é la pröma de n artist de Gherdëna.
Deplü sará da lí tles proscimes ediziuns!